**داليـا الياس**
ﻳﺎﺣﺒﻴﺒﻨﺎ ..... ﻳﺎ ﺩﻭﺍ ﺟﺮﻭﺣﻨﺎ ﻭﻃﺒﻴﺒﻨﺎ
ﺭﺣﺘﺎ ﺗﻔﺘﻌﻞ ﺍﻟﺬﺭﺍﺋﻊ ... ﻭﺍﻟﻤﻮﺍﻧﻊ .... ﺷﺎﻥ ﺗﺴﻴﺒﻨﺎ
ﻟﻴﻪ ﺗﺨﻠﻲ ﺍﻵﻫﻪ ﺗﻈﻬﺮ ....ﻭﺍﻷﺳﻲ ﻳﺴﻮﻗﻨﺎ ﻭﻳﺠﻴﺒﻨﺎ؟
ﻭﻳﺒﻘﻲ ﻇﻠﻢ ﺍﻟﺪﻧﻴﺎ ﻛﻠﻮ _ ﻓﻲ ﺍﻟﻐﺮﺍﻡ _ ﻣﻨﻚ ﻧﺼﻴﺒﻨﺎ
ﻭﻟﻴﻪ ﻧﻔﺘﺶ ﻟﻲ ﻧﻌﻴﻤﻚ .... ﻭﺇﻧﺘﺎ ﺗﺸﻌﻞ ﻧﺎﺭ ﻟﻬﻴﺒﻨﺎ؟
ﻭﻛﻴﻒ ﺭﺿﻴﺖ ﺍﻟﺤﻴﺮﺓ ﺗﻜﺒﺮ .... ﻭﻋﺎﺭﻑ ﺇﻧﻚ ﺿﻲ ﺩﺭﻭﺑﻨﺎ؟ !
ﻭﺍﺿﺢ ﺇﻧﻚ ﺻﺮﺗﺎ ﺟﺎﺋﺮ .... ﻭﻣﺎﺑﺘﺸﻮﻑ ﺑﺲ ﻏﻴﺮ ﻋﻴﻮﺑﻨﺎ !
ﻭﺇﺣﺘﻤﺎﻝ ﻣﻦ ﺍﻟﺒﺪﺍﻳﺔ .. ﻛﻨﺘﺎ ﻻﻋﺐ ﺑﻲ ﻗﻠﻮﺑﻨﺎ !
***
ﻳﺎﻟﻨﺴﻴﺖ ﻋﻬﺪ ﺍﻟﺘﺼﺎﻓﻲ ...
ﻭﺇﺑﺘﺪﻳﺖ ﺗﻘﺴﺎ ﻭﺗﺠﺎﻓﻲ ...
ﻛﺎﻥ ﺷﻨﻮ ﺍﻟﻔﻲ ﺭﻳﺪﻧﺎ ﻣﺎﻓﻲ؟
ﻭﻫﻞ ﻋﻠﻴﻚ ﺇﺧﻼﺻﻨﺎ ﺧﺎﻓﻲ؟
ﻧﺤﻨﺎ ﻣﺎﻛﻨﺎ ﺍﻟﺤﺒﺎﻳﺐ .... ﻭﻟﻲ ﺳﻔﻦ ﺗﻌﺒﻚ ﻣﺮﺍﻓﻲ
ﻭﺍﻟﻌﻬﻮﺩ ﺍﻟﻠﻲ ﻋﻴﻮﻧﻚ ﺑﻴﻬﺎ ﻣﻠﺘﺰﻣﻴﻦ ﻧﻮﺍﻓﻲ
ﻭﻧﺠﺘﻬﺪ ﻓﻲ ﺃﻱ ﺣﺎﺟﺔ ... ﻭﻣﺎﺑﻨﺸﻮﻑ ﻣﺠﻬﻮﺩﻧﺎ ﻛﺎﻓﻲ
ﻭﻟﻮ ﺑﺄﻳﺪﻧﺎ ﻧﺰﻳﺪ ﺳﻨﻴﻨﻚ ﻓﻲ ﺍﻟﺴﻌﺎﺩﺓ ...ﻭﻧﺒﻘﻲ ﻟﻴﻬﺎ ﺯﻣﻦ ﺇﺿﺎﻓﻲ
ﻧﺤﻨﺎ ﺃﺩﻳﻨﺎﻙ ﻋﻤﺮﻧﺎ ... ﺭﻳﺪﺓ ﺻﺎﺩﻗﺔ ... ﻭﺣﻀﻦ ﺩﺍﻓﻲ
ﻭﻟﻤﺎ ﺗﻄﻠﻊ ﻣﻨﻚ ﺁﻫﻪ ... ﻛﻨﺘﺎ ﺑﺠﺮﻱ ﻋﻠﻴﻜﺎ ﺣﺎﻓﻲ
ﻫﺴﻪ ﻏﻴﺮﺗﺎ ﺍﻟﺨﺮﻳﻄﺔ .... ﻭﺇﺭﺕﺿﻴﺖ ﻟﻴﻨﺎ ﺍﻟﻤﻨﺎﻓﻲ؟
ﻭﻓﺠﺄﺓ ﺑﺪﻟﺘﺎ ﺇﺗﺠﺎﻫﻚ .... ﻭﻓﺠﺄﺓ ﺃﺻﺒﺤﺘﺎ ﺇﻧﺼﺮﺍﻓﻲ؟
ﻳﺎﺥ ﺗﺨﻴﻞ .... ﺣﺘﻲ ﻓﻲ ﻓﻦ ﺍﻟﺘﺠﻨﻲ .... ﺇﻧﺘﺎ ﻛﺎﺋﻦ ﺟﺪ ﺧﺮﺍﻓﻲ !
***
ﺍﻟﻠﻪ ﻳﺸﻔﻴﻚ ﻳﺎﺣﺒﻴﺒﻨﺎ ..... ﺍﻝﻏﺮﻭﺭ ﻣﺎ ﺃﺻﻠﻮ ﻋﻠّﺔ
ﻭﺍﻟﺤﺼﻞ ﻣﻨﻚ ﺃﺧﻴﺮﺍً ..... ﻣﺎ ﻭﺭﺩ ﻓﻲ ﺃﻱ ﻣﻠّﺔ
ﻳﺎﺧﺴﺎﺭﺓ ﺭﻳﺪﻧﺎ ﻟﻴﻜﺎ .... ﻭﺍﻟﻤﻌﺰﺍﺕ .... ﻭﺍﻟﺘﺠﻠّﺔ
ﺃﺻﺒﺤﺖ ﻓﻲ ﻟﺤﻈﺔ ﺫﻛﺮﻱ .... ﻭﺇﺳﺘﺤﺎﻝﺕ ﺟﻮﺭ ﻭﺫﻟّﺔ !
ﻭﻗﻠﺒﻚ ﺇﺗﺒﺪﺩ ﻳﻘﻴﻨﻮ .... ﻭﺧﺎﻥ ....ﻭﺿﻼ
ﻧﺤﻨﺎ ﻣﺎﻋﺎﻓﻴﻦ ﻓﻌﺎﻳﻠﻚ ... ﻭﺑﻴﻨّﺎ ﻳﻮﻡ ﺍﻟﺴﺎﻋﺔ ﺍﻟﻠﻪ
**
ﺍﻟﻄﺮﻳﻒ ﻓﻲ ﺍﻟﻘﺼﺔ ﺃﺻﻼً ....ﺇﻧﻚ ﺃﺷﻌﻠﺘﺎ ﺍﻟﺤﺮﻳﻘﺔ
ﻭﺟﻴﺖ ﺗﺨﺖ ﺍﻟﻠﻮﻡ ﻋﻠﻴﻨﺎ .... ﻭﺗﺒﺘﻜﺮ ﻣﻠﻴﻮﻥ ﻃﺮﻳﻘﺔ
ﺗﺪﻋﻲ ﺍﻟﺨﻴﺮ ﻭﺍﻟﻤﺒﺎﺩﺉ .... ﻭﺇﻥﺗﺎ ﻇﺎﻟﻢ ﻓﻲ ﺍﻟﺤﻘﻴﻘﺔ
ﻳﺎﺥ ﺗﺒﺎﺩﺭ ﺑﺎﻟﺨﻴﺎﻧﺔ ﻭﺗﻬﺪﻡ ﺍﻟﺪﺍﺭ ﺍﻟﻮﺭﻳﻘﺔ
ﻭﺗﺘﺮﻙ ﺍﻟﺸﻚ ﻓﻲ ﺿﻤﻴﺮﻧﺎ ..... ﻭﻛﻢ ﺟﺮﻭﺡ ﻓﻲ ﺍﻟﺮﻭﺡ ﻋﻤﻴﻘﺔ
ﺣﻘﻮ ﺗﺴﻤﻊ ﺻﻮﺕ ﺿﻤﻴﺮﻙ ﻟﻮ ﺩﻗﻴﻘﺔ
ﺍﻧﺘﺎ ﻋﺎﺭﻑ ﻧﺤﻨﺎ ﻧﺎﺳﻚ ﻭﻓﺮﻗﺘﻚ ﻳﻮﻡ ﻣﺎﺑﻨﻄﻴﻘﻬﺎ.
ﻭﻳﺎﺍﺍﺍﺍﺍﺣﺒﻴﺒﻨﺎ !
تعليقات
إرسال تعليق