شــــــــــعــر

ﻣﻌﺰﻭمين ﺍﻟﺠﺒﻨﻪ ﻣﻌﺎﻱ ﻓﻲ ﺍﻟﻀﻞ
ﻧﻘﻠﻴﻬﻮ ﺍﻟﺸﻮﻕ ﻭﺍﻟﻀﺤﻜﻪ ﺗﺴﺮ
ﻧﺴﺘﻨﺸﻖ ﺭﻳﺤﺘﻮ ﻭﻧﺪﻱ ﺍﻟﻜﻞ
ﻧﺘﻮﻧﺲ ﻭﻧﻀﺤﻚ ﻭﻣﺎ ﺑﻨﻤﻞ
ﺣﺎﻧﻤﻞ ﻛﻴﻔﻦ ﻭﺍﻟﻜﻴﻒ ﻓﻲ ﺍﻟﻀﻞ
ﺍﻟﻘﻬﻮﻩ ﻋﻴﻨﻴﻚ ﻭﺍﻧﻔﺎﺳﻚ ﻓﻞ
ﻭﺍﻟﻀﺤﻜﻪ ﻫﺪﻳﻚ ﺑﻴﻨﺎﺗﻨﺎ ﺗﻤﺮ
ﻻ ﻧﺎﻭﻳﻪ ﺗﻘﻴﻒ ﻻ ﺧﺎﻳﻔﻪ ﺗﻤﻞ
ﺣﺎﺗﻤﻞ ﻛﻴﻔﻦ ﺑﺎﻟﻠﻪ ﻋﻠﻴﻚ 
ﻣﺎﺩﺍﻡ ﺍﻟﻀﺤﻜﻪ ﻫﻲ ﻣﻦ ﺧﺪﻳﻚ
ﻭﺍﻟﺒﻦ ﻭﺍﻟﻘﻬﻮﻩ ﻋﺴﻞ ﻋﻴﻨﻴﻚ
ﻭﺍﻟﺸﻮﻕ ﻣﻬﻤﻮﻡ ﻛﻴﻔﻦ ﻳﺮﺿﻴﻚ
ﻗﻼﻳﺔ ﺍﻟﺸﻮﻕ ﻭﺍﻟﺒﻦ ﻓﻲ ﺍﻳﺪﻳﻚ
ﻭﺍﻟﺴﻜﺮ ﺍﺻﻼ ﻣﻨﻚ ﻭﻓﻴﻚ
*************************
*************************
البركب السرجين بقع
والبمسك الدربين بروح 
والناس بتشفي مع الزمن .
مهما تلاقي من الجروح
ازرع حياتك بالصدق 
خلي الاريج منك يفوح
اصبر علي الوجع البجيك
البسمه جواك لا تروح
الكل سواسية كالمشط
دي قضيه مابتحتاج شروح
ابيض وأسود كلهم 
في الحسبه اولاد سيدنا نوح
ماتقيم الزول بالقرش 
خليك للأخلاق طموح
***********************
***********************
ﻛﺎﻥ ﺧﻮﻓﻲ ﺭﻳﺪﻙ ﻣﺎﻳﺪﻭﻡ
ﻭﺁﻫﻮ ﻓﻌﻶ ﺩﻩ ﺍﻟﺤﺼﻞ
ﺍﻟﺒﻴﻨﺎ ﻛﺎﻥ ﻛﻠﻤﻪ ﺷﺮﻑ . . .
ﺃﺩﻳﺘﻚ ﺇﺣﺴﺎﺱ ﺯﻭﻝ ﺑﺴﻴﻂ
ﻭﺷﺮﺣﺖ ﻟﻴﻚ ﻛﻞ ﺣﻴﺎﺗﻲ
ﻣﺎﺳﺒﺖ ﺣﺎﺟﻪ ﻋﻠﻲ ﺍﻟﺼﺪﻑ . . .
ﻭﺍﻟﻠﻴﻠﻪ ﻓﻲ ﺃﺧﺮ ﺍﻟﻤﻄﺎﻑ
ﻓﻲ ﺣﺘﻪ ﺿﻴﻘﻪ ﻭﻣﻨﻌﻄﻒ
ﺇﺗﺨﻠﻲ ﻗﻠﺒﻚ ﻋﻦ ﻫﻮﺍﻱ
ﺗﺎﻩ ﻓﻲ ﺍﻵﻣﺎﻧﻲ ﻭﺇﻧﺠﺮﻑ
ﺍﺩﻳﺘﻚ ﺇﺣﺴﺎﺳﻲ ﺍﻟﻨﺒﻴﻞ ، ،
ﻭﺃﺧﻠﺼﺖ ﻟﻴﻚ ﺑﺲ ﻟﻸﺳﻒ
****** * * *  ********