منو القال ليك ؟ *****ضياء الدين شرف
منو القال ليك بعتَ هواك ؟...
منو القال ليك كرهتِك يوم ؟
يمين بالله كذ َب القال .....
دا لو ثانية نسيتك أنا قيامتي تقوم
وكيف أقدر أفارقك أنا ؟....
وشايلك فرحة لي عمري مُناي تدوم
منو القال ليك نسيتو الريد ....
صبح جوّاي مالو لزوم ؟
دا ريدك فيني عامل غلبه ....
غُلب آل الفُّرس للروم
شاوي جسيمي لمّا بقيت ....
كلي عظام وخالي لُحوم
وأنتي الليها بحيا وأعيش ...
وغيرك كيف أصابح القوم
وياخي انا مكسّر فيك ....
وغرقان في هواك بالكوم
أنساك كيف؟واختاك وين؟...
وأنتي الملكة خاتية اللّوم
حلاة البسمة في شفتيك ....
مشعلله في دواخلي سِموم
ومن بعدك صبحت وحيد ....
من ذكراك لي طيفك أباري أحوم
مساهر أكلّم النجمات ....
وجافاها العيون النوم
وشاويني البُعاد والبين .....
وبين ماكان أو حيكون معبأ هموم
ومن آخرو محال غيرك أحب أنثى ....
لو تصبح شبيهة القمره ولّا نجوم
ومُحال الجرّب الطيران .....
إخوض البحر وإقطعو عوم
تعليقات
إرسال تعليق