اطرو العرس***كلمات عمارابراهيم عبدالرحمن
-
ياشباب اطرو العرس
بالعديل امشوهو دربو
كل شاب ينساهو همو
ويملا بي اصرارو قلبو
لو عزمتو اكيد بتلقوا
كل زول يسعد بحبو
وتملوا بيتكم بالسعاده
وبينكم اطفالكم بشبو
🌿🌿🌿
لما كل شاب يسعي جاهد
وفي ارتباطو يكون امين
ليهو تتحقق اماني
ويدفعو الطبع الرزين
ولما يكمل نصف دينو
يبقي تاني المتلو مين
لوجليل اعمالو ظاهره
يبقي من الصالحين
🌿🌿🌿
سيرتو تبراها الملائكه
وموكب الاخوان معاهو
وامو قدامو وابوهو
ويكتمل بيهم مناهو
والشباب يتباهو بيهو
ويحصروا التفكير تجاهو
وكل واحد قلبو ينبض
شان يغير اتجاهو
تعليقات
إرسال تعليق