أحمد **نـــوره*

نوره حنين البت السمحة
نوره الخلقت شوق من لمحة
وختت حالا في بالي
وفجت نار الماضي وقعدت
هسا معاي الزمن الغالي
ونوره حقيقة أحلى رفيقة
بحزن لو فارقت طريقا
صوتا بسكت صوت الاها
وصمتها خوف وظنون تواها
تنده إسمي أحسو جميل
تساهر بي في عز الليل
ولمن أنده ليها أنا
القى حنان الدنيا قليل
أنا نفسي أعيش كل الأفراح
نفسي ياخي أكون بوااااح
أقول احساسي اسيب الخوف
أعوض بيك العمر الراح
بعد سلامك لي وكلامك
حاسس اني معاك مرتاح
وإنتي بتعرفي لون عينيك وجمال خديييك
وكم حاجات بتودي عليك
بتغير حال وبتشغل بال
وتنسي الزول شقاهو الطال
بس مشوار شان يقدر إبوح
باقي كلام جواي ما إتقال
وصابر فيني حنين ممتد
زي موعود بي جيتك جد
يا الخليتي الذكرى الحلوه
يا القابلتي الود بالود