يمسكني من ايدي الوجع**ايمان متوكل
أنا كلما أقول دايره امش ...
يمسكني من إيدي الوجع
ويقولي بدري على الرحيل ..
ياخ إنتي عارفة الساعة كم ؟
الساعة عمرين من ضياع عز النهار مافيهو ليل ..
الساعة ليلين من نهار والليل بجر لي ليل طويل ..
ياواقفة والناس قاعدة زل .
مالييك هم الكون دوام يازوله فل .
ياناتحه فل .
ماتعطري الوطه بالسكات والناس تهاتي
من الشمس كايساله ضل .
حلفتك أقعدي بي سكات ...
ماتقولي لي مستعجله ..
والعجلة إبليس خلها لاملتو .. لاملها ..
ماتقيفي تشربي دمنا رويانة إنتي بلاشراب .
وبلا شراب ...النيل نشف
ماراعى عشرتو للتراب .
جراني والآمال وراو ..
حتى الفرح قاعد حداو ..
والريد مزركش في سماو ..
والكل بعاين دون نضم ماسك ونسة الكون براو ..
جراني وأنا قت ليهو لا .
ونفضت إيدو رميته ليو ..
صرصر عنيو ..
قت ليهو لا .
مستعجله .
وأنا قعدتك ماف زول بلاي إتحمله .
وأنا هسه ماشه بدون رجوع
والداير يمشي معاي ارح ..
آمالي قومي سريع وارح ..
ياريدي خليك في السما
جايين عليك أنا والفرح
يمسكني من إيدي الوجع
ويقولي بدري على الرحيل ..
ياخ إنتي عارفة الساعة كم ؟
الساعة عمرين من ضياع عز النهار مافيهو ليل ..
الساعة ليلين من نهار والليل بجر لي ليل طويل ..
ياواقفة والناس قاعدة زل .
مالييك هم الكون دوام يازوله فل .
ياناتحه فل .
ماتعطري الوطه بالسكات والناس تهاتي
من الشمس كايساله ضل .
حلفتك أقعدي بي سكات ...
ماتقولي لي مستعجله ..
والعجلة إبليس خلها لاملتو .. لاملها ..
ماتقيفي تشربي دمنا رويانة إنتي بلاشراب .
وبلا شراب ...النيل نشف
ماراعى عشرتو للتراب .
جراني والآمال وراو ..
حتى الفرح قاعد حداو ..
والريد مزركش في سماو ..
والكل بعاين دون نضم ماسك ونسة الكون براو ..
جراني وأنا قت ليهو لا .
ونفضت إيدو رميته ليو ..
صرصر عنيو ..
قت ليهو لا .
مستعجله .
وأنا قعدتك ماف زول بلاي إتحمله .
وأنا هسه ماشه بدون رجوع
والداير يمشي معاي ارح ..
آمالي قومي سريع وارح ..
ياريدي خليك في السما
جايين عليك أنا والفرح
تعليقات
إرسال تعليق