عمار ابراهيم عبدالرحمن -سلامتك يا أمي
-خيم علي حزني المخيف
ومشيت اهيم في الارصفه
مهموم افكر في الفرح
في حضن ام ضاخه الدفا
ماامي عانت كتير
رغم العذاب متعففه
والبسمه فيها تطل شروق
في قلوبنا تمحي مخاوفا
عشان نقول طابت خلاص
والخوف عليها خلاص كفي
وعارفا شفقانين عليها
ودايره نارنا تخففا
وكانت حريصه علي الدوام
الابتسامه توالفا
ماعندي غير رفع الكفوف
الامها ربي يخففا
وتشفي وتقوم من علتها
وبالحب دموعنا تكفكفا
سلامتك يمه ياام قلبا حنون
تطيبي ان شاء الله ماضوقي الالم
بلاك الدنيا تتوشح ضباب
واعيش من غير وجودك الف هم
اكيد لو العمر ياامي بفدي
ونعيم الصحه ممكن ينقسم
بهدي ليك ياغاليه كل العمر
واشيل منك عشان تشفي السقم
بدور العافيه في جسمك تبين
وترجع ابتسامتك من جديد
ونسعد بي سلامتك كل حين
وكل ايامنا بيك تبقالنا عيد
وتفرحي بي وجودك بين جناك
وعمرك في حياتنا يكون مديد
تطلي علينا بي وجها صبوح
وقلبك بي وجودنا يكون سعيد
تعليقات
إرسال تعليق