**حنغش روحنا لي متين** محمود الجيلي

حنغش روحنا لي متين .. نعيش في الدنيا أصحاب
و ظاهرة اللهفة فينا .. و عارفين نحن أحباب 
........
نعيش في الدنيا لمتين .. نداري حقيقة ظاهرة
و نعمل فيها أصحاب .. تجينا اللحظة عابرة
و نار الغيرة و الشوق .. و العينين مساهرة
و شاعر بي غرامك .. وبي أشواقي شاعره
.......
لمتين يا حبيبتي .. أعمل فيها عادي
لما أشوف عيونك .. و تتلاقى الأيادي
لمتين و المحبة .. بتزيد لي سهادي
لمتين في عنادك .. و لمتين في عنادي
.......
الحب يا حبيبة .. أجمل من ظنونك
ظاهر في سلامك .. ربك لي يصونك
و لما تغيري فجأة .. ظاهر في جنونك
الحب في عيوني .. و ظاهر في عيونك
............
حنغش روحنا لي متين .. نعيش في الدنيا أصحاب
و ظاهرة اللهفة فينا .. و عارفين نحن أحباب