بت ماها زي باقي **عاصم بابكر

بت ماها زي باقي
البنات
تجتاح دواخلك
دون آذن
بت ليها تنصاع
الحروف
وبيها القوافي
بتتزن
بت من دعاش
غيمة ورشاش
زي ورد هاش
بت ساحرة
من شدة جمالة
بقيت اشوف الناس
طشاش
بت فيها عينين
يالطيف
بحلقتة صابني
الاندهاش
فيها الخدود
زي الورود
كم توهت ياما
الفراش
بت تلبسك طرحة
وتمش
بت قمة في الزوق
والجمال
وفي الطلة حاكتها
الشمس
بت ماها زي باقي
البنات
بت بالحديث تمس
همس
بت ساكنة روحنا
ودمنا
بت نظرة من عينيها ساي
بتزيل اكيد كل
العنا
بت من هنا
من ارض سودانا الحبيب
بت حته ياخ من
دمنا
بت يوم تطل
برحل حزنا
وهمنا
بت بالجواي دايما
تحس
بت من امس
بت مابشر
بت بس ملاك
بت ريدة في الجتة
انتشر
بت من لحاظة
قف احترس
بت في غرامة بقيت
عميد
في ريدة ماخليت
درس
بت غارسة في جوايا
ريد
يااااااالله مااحلاو
غرس
بت اصبحت
لي راسنا
كيف
بت في حنانة كما
الخريف
بت دون غرامة
بعيش
كفيف
بس قولو لي
انساها
كيف
بت تدخلك نسام
فرح
ويطلع زفيرة دعاش
وهيف
بت ماها زي باقي
البنات
بت عندها
الخطوات
تقيف
بت كان شموس
الريد قسن
بحنانة تبنيلك
صريف
شفتو الملامح
عاملة كيف
يالله من لونة
السمح
من قامتة
ومن بشرتة
ومن سمرتة
ومن قدلتة
ومن بسمتة
بت كلما يشرق
صباح
بلقاها زايدة
معزتة
بت ياها نوارة
الفريق
واياها زينة
حلتة
بت حيرت كل
الحواس
شالت رويحتي
وختتة!!