الشينه مابقولوها ليك**وئام كمال

الشينه ما بقولوها ليك ما بتشبهك
والسمحه يوم بنقولا ليك بلقاها فعلا تشبهك.
عاينت مره النيل مسا عاينت في الليل والهدوء
كان شفته وقت الموج رسىو القمره زي جات للوضوء
قارنت بين دا وبين بهاك والله بالجد بشبهك..
..دي الشينه ما بقولوها ليك ما بتشبهك
...يوم طفته في الضي والسماح وانا بهوي من قمته الجمال
داعبته بي عيني القماح انشدته ايات الكمال
لقيتك انت في خاطري وكل الجمايل تشبهك
...الريده كان دونك بقت وما بقينا قدرين مستواك
ايامي ياها الشن لقت شن بسوه عمري المامعاك
الريده قدر الريد تكون وانا ريدتي زاته بتشبهك
....السمحه انت وانت بس وانت المواعيد والرجا
وانت المشاعر والملذ وانت ما شبه الوجع
ما رايت الجنه حورا لو رايته حتشبهك
....دي الشينه ما بقولوها ليك مابتشبهك