ﻣﺎﺑﻴﻮﺻﻦ ﻟﻴﻚ ﻃﻴﺮ ﺍﻟﺠﻨﻪ ﺷﺎﻥ ﻳﺤﺮﺱ ﻣﺠﻴﻚ**ريـــم الرفاعي

ﺍﻟﺨﻄﺎﻭﻱ ﺍﻟﻴﻠﺤﻘﻦ ﻓﻜﺮﺓ ﻣﺸﻴﻚ ﺗﺎﻻ ﺍﻟﻤﻐﺎﺭﺏ
ﻣﺎﺑﻴﻮﺻﻦ ﻟﻴﻚ ﻃﻴﺮ ﺍﻟﺠﻨﻪ ﺷﺎﻥ ﻳﺤﺮﺱ ﻣﺠﻴﻚ
ﺍﻟﻤﺴﺎﺩﻳﺮ ﺍﻟﺤﺮﻭﻓﻦ ﻣﻦ ﺷﻤﺲ ﻏﺮﺑﺔ ﻛﻔﻮﻓﻚ
ﻭﺍﺑﺘﺴﺎﻣﺘﻚ ﻟﻤﺎ ﺭﻳﺶ ﺍﻟﺒﻬﺠﺔ ﻳﻬﺠﻤﻮ ﺿﻞ ﻭﺷﻴﻚ
ﻣﺎ ﻟﻴﻚ ﺣﻖ ﺗﺘﻘﻠﻲ ﻓﻲ ﻧﺎﺭ ﺍﺣﺘﻤﺎﻻﺗﻚ ﺑﺮﺍﻙ
ﻭﻟﻴﻬﺎ ﺣﻖ ﺧﺎﻃﺮ ﺍﻟﺒﺴﻴﻤﺔ ﺍﻟﻤﻦ ﻣﻼﻣﺤﻲ ﺑﺘﺸﺘﻬﻴﻚ
ﻟﻴﻚ ﺣﻖ ﺗﺤﺮﻕ ﻣﺮﺍﻛﺐ ﺍﻟﻨﻴﻞ ﻭﻣﺎ ﺗﻌﺎﻳﻦ ﻭﺭﺍﻙ
ﻃﺎﻟﻤﺎ ﻣﻮﺕ ﺍﻟﻜﻼﻡ ﻓﻲ ﺟﻮﻑ ﻣﻐﺎﺭﺍﺗﻚ ﻭﺷﻴﻚ
ﻳﺎ ﺍﻟﻤﻌﺬﺏ ﺑﻲ ﺣﻤﻲ ﺍﻟﺼﻠﺼﺎﻝ ﻭﻃﻴﻦ ﺍﻟﻠﻪ ﺍﻟﺒﺮﺍﻙ
ﻳﺎ ﺍﻟﻤﻌﺬﺏ ﺑﻴﻚ ﺷﺎﻥ ﺍﻟﺮﻳﺪﻩ ﺑﺲ ﺧﺎﻑ ﺍﻟﻠﻪ ﻓﻴﻚ
ﺣﻮﺷﻚ ﺍﻟﻌﻤﺮﺍﻥ ﺣﻜﺎﻭﻱ ﻭﺍﻏﻨﻴﺎﺕ
ﻟﻤﺔ ﺍﻟﺸﺎﻱ ﺍﻟﺼﺒﺎﺡ ﻭﺍﻟﻤﻐﺮﺑﻴﻪ
ﻭﺻﻮﺕ ﻛﺒﺎﺑﻲ ﺍﻟﺒﺖ ﻭﻛﺖ ﺗﻌﺰﻑ ﺗﺮﻥ
ﻭﺑﺴﻤﺘﺎ ﺍﻟﺠﺎﻳﺎﻙ ﻣﻦ ﺭﻭﺣﺎ ﺍﻟﺼﺒﻴﺔ
ﺍﻟﻤﻼﻳﺎﺕ ﺍﻟﺨﺠﻞ ﻛﻔﻜﻒ ﻛﻔﻮﻓﻦ
ﻣﺮ ﻧﺴﺎﻡ ﻛﻬﺮﺑﺎ ﻭﺧﻼﻫﺎ ﺣﻴﺔ
ﺧﺘﺖ ﺍﻟﺼﻴﻨﻴﺔ ﻗﺎﻟﺖ : ﺳﻜﺮﻙ ﻛﻴﻒ؟
ﻭﺍﻧﺖ ﻣﺸﻐﻮﻝ ﺑﺎﻟﺤﺴﺎﺑﺎﺕ ﺍﻟﻌﺼﻴﺔ
ﻓﺘﻬﺎ ﺍﻟﺸﺎﻱ ﻣﺎﺷﺮﺑﺘﻮ ﻭﻓﺎﺗﺘﻚ
ﻟﺤﻈﺔ ﺍﻻﻣﻦ ﺍﻟﺘﻔﺘﺶ ﻟﻴﻬﺎ ﺑﻲ ﻣﻠﻴﻮﻥ ﻭﻣﻴﺔ
ﻭﺷﻦ ﻓﺎﻳﺪﺓ ﻗﺮﺵ ﺑﻲ ﻏﺮﺑﺔ
ﺷﻦ ﻓﺎﻳﺪﺓ ﻗﺮﺵ ﺑﻲ ﻫﻢ
ﻣﻤﺤﻮﻗﺔ ﺍﻟﺒﺠﻴﺒﺎ ﺍﻟﻤﺎﻓﻲ
ﻭﺍﻟﺸﻮﻕ ﻣﺴﺦ ﺍﻱ ﻃﻌﻢ
ﻓﺎﻗﺪﺍﻙ ﺍﻟﺒﻴﻮﺕ ﻭﺍﻟﺤﻠﺔ
ﻓﺎﻗﺪﻙ ﻓﻮﻕ ﻏﻨﺎﻧﺎ ﻧﻐﻢ
ﻭﺍﻟﺒﻠﺪ ﺍﻟﺘﻨﺎﻏﻢ ﻟﻴﻚ
ﺭﺍﺟﺎﻙ ﺭﺩ ﻟﻴﻬﺎ ﻧﻌﻢ
ﺍﻥ ﻃﻮﻟﺖ ﻭﺍﻥ ﻫﺎﺟﺮﺕ
ﺭﺩﺍﻙ ﺍﻟﻠﺒﻦ ﻭﺍﻟﺪﻡ
ﺍﻟﺤﻔﻲ ﺑﻴﻦ ﺣﺒﺎﻳﺒﻚ ﺳﺘﺮﺓ
ﻗﻤﺼﺎﻥ ﺍﻟﻤﺤﻨﺔ ﻭﺳﺎﺍﺍﺍﺍﺍﻉ
ﺷﻘﻴﺶ ﻣﺎﺗﻘﺒﻞ ﺣﻘﻚ
ﺍﻥ ﺧﻀﺮﺕ ﻟﻴﻪ ﺿﺮﺍﻉ
ﻭﺍﻟﺤﻖ ﺍﻟﺘﺤﺮﺳﻮ ﺑﺠﻴﻚ
ﻣﺎﻣﺤﺮﻭﺱ ﻳﻤﻴﻦ ﺍﻥ ﺿﺎﻉ
ﻛﻴﻔﻦ ﻋﺎﺩ ﺗﻘﻮﻝ ﻣﺎﻓﺎﺭﻗﺔ
ﺗﺮﺿﻲ ﺟﺮﻭﻑ ﺍﺑﻮﻙ ﺗﻨﺒﺎﻉ؟
ﺍﻟﻮﻃﻦ ﺍﻟﺮﺑﻴﺖ ﻓﻲ ﺣﻀﻨﻮ
ﺗﻨﻔﺾ ﻣﻦ ﺗﺮﺍﺑﻮ ﻛﺮﺍﻉ؟
ﻗﺪﺭ ﺍﻳﺶ ﺍﻟﻔﺮﺡ ﺑﻴﺤﺘﺎﺝ
ﻭﻗﺪﺭ ﺍﻳﺶ ﺍﻟﺴﻌﺎﺩﺓ ﺗﺪﻭﺭ
ﺿﺎﺣﻜﻴﻦ ﺍﻥ ﻟﺒﺴﻨﺎ ﺣﺮﻳﺮ
ﻭﻛﺎﻥ ﺳﺎﺗﺮﻧﺎ ﺗﻮﺏ ﺩﻣﻮﺭ
ﻛﺘﻔﻚ ﻓﻲ ﺍﺧﻮﻙ ﺗﺴﻨﺪﻭ
ﺭﺍﻛﻮﺑﺘﻚ ﺗﺴﺎﻭﻱ ﻗﺼﻮﺭ
ﺭﺑﻴﺎﻥ ﺑﺎﻟﺤﻼﻝ ﻣﻦ ﻗﻤﺖ
ﻭﺍﻟﻨﻮﺭ ﻓﻲ ﺟﻨﺎﻙ ﻣﺠﺮﻭﺭ
ﺑﻴﻦ ﺍﻫﻠﻚ ﻫﺪﺍﻭﺓ ﺍﻟﺒﺎﻝ
ﻣﺎﺗﻘﻄﻊ ﻋﺸﺎﻧﺎ ﺑﺤﻮﺭ
ﻭﺍﻟﺨﻄﺎﻭﻱ ﺑﻴﺮﺟﻌﻦ ﻓﻜﺮﺓ ﻣﺸﻴﻚ ﻣﻦ ﺍﻟﻤﻐﺎﺭﺏ
ﻧﻴﻞ ﻋﺮﻭﻗﻚ ﻣﻨﻮ ﺷﻘﻴﺶ ﻣﺎﺗﻔﻮﺕ
ﻟﻤﺔ ﺍﻟﺠﻤﻌﺔ ﺍﻟﻨﻌﻴﻤﻴﺔ ﺍﻟﻔﻄﻮﺭ
ﺍﻟﻌﻨﺎﻗﺮﻳﺐ ﺍﻟﻤﺸﺎﻟﻌﻴﺐ ﻭﺍﻟﺒﻴﻮﺕ
ﺭﻳﺤﺔ ﺍﻟﺤﻠﻮ ﻣﺮ ﺑﻌﺪ ﻣﺎﻛﻮﺟﻨﻮﻫﻮ
ﻧﻜﻬﺔ ﺍﻟﺴﻮﺩﺍﻥ ﻣﻌﺘﻘﺔ ﻣﺎﺑﺘﻤﻮﺕ
ﻧﻴﻤﺔ ﺿﻠﻬﺎ ﻓﻲ ﻗﻠﺐ ﺣﻠﺘﻨﺎ ﺷﺎﺭﻉ
ﻗﻠﻮﺓ ﺍﻟﺒﻦ ﺑﺎﻟﻀﻬﺮ ﻃﻖ ﻃﻘﻠﻮ ﺻﻮﺕ
ﺗﻨﺘﻨﻴﻪ ﻭﻛﺒﻲ ﻓﻨﺠﺎﻥ ﻟﻠﺒﺮﻳﺪﻙ
ﺯﻣﻠﻴﻪ ﻭﺍﺩﻳﻪ ﻣﻦ ﻋﻴﻨﻴﻚ ﻗﻮﺕ
ﺗﻨﺘﻨﻴﻪ ﻭﻛﺒﻲ ﻓﻨﺠﺎﻥ ﻟﻲ ﺣﺒﻴﺒﻚ
ﺯﻣﻠﻴﻪ ﻭﺍﺩﻳﻪ ﻣﻦ ﻋﻴﻨﻴﻚ ﻗﻮﺕ
ﻭﺍﻟﺨﻄﺎﻭﻱ ﺍﻟﺒﻴﻠﺤﻘﻦ ﻓﻜﺮﺓ ﻣﺸﻴﻚ ﺗﺎﻻ ﺍﻟﻤﻐﺎﺭﺏ
ﻣﺎﺑﻴﻮﺻﻦ ﻟﻴﻚ ﻃﻴﺮ ﺍﻟﺠﻨﻪ ﺷﺎﻥ ﻳﺤﺮﺱ ﻣﺠﻴﻚ